「Rock友出維穩Show？仲話自己Rock？夾band點可以咁㗎？？」「起勢搖滾變咗起勢維穩？」「MR都算啦，RubberBand都係咁？佢地上年仲參與反國教集會演出㗎喎！又叫人地睜開眼自己又隻眼開隻閉？點得㗎？我真係好失望，叫我地點樣繼續支持佢地呀！？都係外國band先真正係反建制 」這是網上的人對香港Band參與那個《香港巨蛋音樂會》的「意見」。我真係估唔到Rock友的「Fans」是這樣看待他們熱愛的樂隊。
被「Fans」批評的9個Band友裡面，我只跟RubberBand的鼓佬泥鯭有過數面之緣，在今年的六四維園集會裡吹過幾句水，又求其看看他的Facebook的近況，每一張Cover photo都是在撐民主，就知道他是支持人民自主的香港人。當每一個人都覺得Facebook是一個可以坦白盡訴心中情的地方時，你覺得他在Facebook的一言一行是假的嗎？如果那個《香港巨蛋音樂會》邀請我扮band友我真係會想去㗎喎，咁難得進入人地個核心講核心價值！天啊！這是傳福音的好機會吖嘛，死都去啦！更何況死都唔怕，怕在梁營講良心話！？
自稱熱愛搖滾的人啊，如果你覺得Rock友應該是跟基督徒一樣，不應只在星期日返教會，更應該是全天候，每一刻都應該在活出他們的信仰，那你們呢？你們也同樣在每一刻都在反建制嗎？星期一至五上午九點至下午五點在哪裡反建制？Hidden Agenda被打壓、被逼遷的時候你們又在哪裡呢？
p.s.那張插圖是泥鯭呼籲大家今年元旦出來遊行的，那一天你們又在哪？
ADVERTISEMENT
立即更新 /下載AM730手機APP 體驗升級功能
