最近落深水埗二手珠寶店，搵波老闆吹牛，這裡是當舖，又是珠寶店。老闆波仔講，以前人造鑽石，用在機器、用在鑽割機，今天祖國與印度，愈做愈好，好到令一顆永留傳的鑽石批發商，今次大件事了，十年前市值200億美元，今天20億都沒有濶佬要！社會事件前，一卡完美鑽石，要十多萬元，今天3至5萬咋！佢話最近有位客人，拎住幾年前幫襯佢地、用8萬元買來的鑽石戒指，想佢地收。老闆開價3萬，客人竟然發癫地鬧！仲問不是承諾九折收回咩？店員答顧客，咸豐年事喎，近十多年，全港都無咁嘅事啦。
最衰是這個大件事的鑽石商，好搞唔搞，本來只賣天然鑽石，無情情開多個部門，買賣人工培育鑽石。祖國與印度，愈培育愈好，愈正愈靚愈平，更有出生認證，同級數證明，肉眼完全分不到是天然或是培育，所以搞死了鑽石這個一顆永相傳定律！以前戰亂，窮人袋黄金走，富豪帶鑽石逃，以後只有一味，獨是黄金，其餘都是一場夢！
訂閱 《am730》 電子報
每周精選內容直送收件箱📧
掌握重要新聞資訊📈 財經投資🤖AI科技生活 🍽 美食玩樂 🛍 消費優惠 📰 城中熱話
提交代表本人同意接收am730所發出的推廣電郵，你可查閱本網站的私隱政策。