做義工瞓少幾個鐘都值得

好多人唔考慮做義工係因為無時間，但Ray覺得有時係事在人為，例如在山頂廣場擔任高級賓客服務專員的郭建民，佢加入恒隆地產只有一年半，但透過恒隆義工隊已經服務社區超過174小時，係服務時數最高的同事。郭先生話雖然返通宵更，但做義工可以幫到人，自己又學到新知識，所以「瞓少幾個鐘都值得」，例如去年佢在中環的建築導賞活動中便認識了該區多棟充滿殖民地色彩的建築。日前佢仲在義工嘉許禮上，由恒隆地產助理董事（集團傳訊）關則輝手上接過嘉許狀。大企業做社會服務的優勢係人多勢眾，例如由1,500多名同事組成的恒隆一心義工隊，去年於香港及內地多個城市舉辦超過100項活動，服務社區逾14,000小時，較2014年增長超過兩成。關則輝話，今年會以「Better Me, Better Society」為主題，鼓勵同事帶同家人及朋友，透過參與義務工作學習新技能，領略助人自助的精神，貢獻社區。

Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。