科學園贏優質建築信和獲最佳園林大獎

Ray昨日連續收到兩個獲獎嘅喜訊，首先係信和集團，佢哋旗下有5個項目喺「2016最佳園林大獎──私人物業」中獲獎，其中囍滙及寶馬山花園，分別獲頒大型住宅物業(樓齡6年以下)及住宅物業(樓齡21年或以上)組別金獎；另外Goodwood Park、香港黃金海岸2期及黃金海岸商場就獲得優異獎。

至於另一個得獎嘅，就係科學園第三期ab項目，獲得「優質建築大獎2016──香港非住宅項目(新項目)」的最高榮譽獎項「優質建築大獎」。呢項建築獲獎，除了符合評審準則，仲要留意佢背後嘅理念，就係作為推動智慧城市發展的領航項目，特別喺低碳排放、具能源效益技術和建築可持續發展方面，充分展示出如何運用創新科技，引導香港邁向可持續發展嘅未來。

Ray睇番資料，呢兩個獎項都係經過專業評審，「最佳園林大獎」就係由康文署主辦，並由民政事務總署、香港建築師學會、香港園境師學會、香港園藝學會、香港測量師學會、環保建築專業議會及香港物業管理公司協會協辦，以表揚傑出的園林設計及園藝保養，藉此持續改善私人物業的居住環境和推廣綠化工作；「優質建築大獎」就兩年一度，由本地9大專業團體聯合舉辦，旨在表揚優質建築項目的成就，以促進建築業內人士共同努力，維持最高標準的專業水平及競爭力。

Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。