邱騰華
由消費者委員會、香港記者協會和香港攝影記者協會合辦的「第17屆消費權益新聞報道獎」昨午舉行頒獎禮，本來預計過程不外是重複的上台落台頒獎領獎，但出乎意料地，消費會亦緊貼「拍片」世代步伐，專登為各個獎項拍攝「候選佳麗」及「得獎感言」片段，加上近似奧斯卡頒獎禮的配樂，的確增加了頒獎禮的可觀性。Ray睇片時心諗：「拍片製作費可以好貴喎！」好奇心驅使下，向消委會公共事務部總主任、前新聞主播羅振邦求證，原來片段均是消委會自家製作，由幾位同事「包起嚟做」，完全不需額外花費，睇嚟其他機構搞同類活動時，都會多咗壓力。
至於出席頒獎禮的商務及經濟發展局長 邱騰華 致辭時就話，關於消費權益的報道可教育消費者，及對營商者起警惕作用；而他又提到，發現其中一份得獎作品的評語，指報道的資料搜集較政府數據更詳盡，笑言對政府亦是一份提醒。
