海底隧道連結港九

那些年紅館未有澎湃節奏，維港亦未作激光揮舞，港人假日消閑只靠三寶兵頭花園、荔園及工展會。而後者辦得最為盛大嘅一年，位置正係今日「紅隧」入口位置，為車水馬龍嘅初見。

舊時活在紅磡，未有豪庭嘅前身街坊多為基層市民，或為黃埔船䲧工作嘅工人家庭。在難得低密度唐樓社區，白天晚上街道行人零星落索，昔日未有紅隧嘅一帶填海地皮，只有一片荒蕪，九龍海岸嘅盡頭。

同舟共濟，揚威國際
經過1966及67年嘅街頭衝擊後，港府為沖淡事件引發嘅反英情緒，計劃舉辦一連串盛事，尤其重塑一向有「國貨味」嘅「香港工展會」形象，更係重點懷柔政策之一。因此將紅磡灣旁一幅60萬平方呎新填海用地撥作工展之用，並「升呢」加入歐洲美加日本等展銷成為國際盛事，結果之後如「香港節」、「藝術節」等等亦辦得有聲有色，使悲情城市重振成為活力之都，歌舞昇平叫社會重投建設動力，人人有希望下亦緩和港人萌起嘅社會民權及政治意識。

為咗於勞動市場製造大量就業機會，連串大規模建設計劃上馬。紅磡旁被改造為全新連接中港新界及港九兩岸嘅交通接駁樞紐，原本九龍車站東移並將尖沙咀地皮重建為文化區，而海底隧道亦於1969年動工興建，將使用渡輪來往維港兩岸嘅乘客及駕駛者習慣改寫。

四十年間，匯聚再散
海底隧道對岸入口為銅鑼灣與奇力島之間所填平嘅區域，其全長1.86公里，斥資3.2億興建以沉管式以三分厚鋼鐵鑄造，重達6千噸嘅15節沉管，每節約長350呎、寬30呎、高16呎，外加7呎厚混凝土保護，每平方吋可扺擋7千磅水壓。1972年由港督麥理浩爵士主持剪綵，仲有電視直播藝人沈殿霞乘坐古董汽車，由紅磡灣駛往銅鑼灣完成壯舉，自此中國領土範圍第一條海底隧道正式啟用。

來回管道皆為雙線行車嘅海底隧道促進工商業運輸往來嘅效率，其24小時風雨無阻全天候嘅服務，使到佐敦至中環及北角至九龍城公共汽車渡輪先後停辦。及後縱然東區及西區兩隧分別開通，人口和財富增長並駕齊驅，路面車輛一直有增無減，因為地點位置嘅方便優勢，私家車或商業車輛再加上逾30多條區區可到嘅巴士路線，使收費廣場更見擁擠繁忙。為免白天施工或失修隨時癱瘓港九交通，所以平日凌晨需要封閉一邊管道維修，不愧譽為全球最繁忙嘅隧道之一，亦有幸香港有劉德華這位《拆彈專家》犧牲守護隧道及香港味道電影。

善用空間，未來進發
3年前在隧道旁嘅香港理工大學，提出由其校園以上蓋模式跨越隧道至紅磡站，以提供4萬平方米之綠化平台作康樂文化、展覽、休憩及運動場地，而下層則提供空氣淨化設施，以改善社區生態。最後其實「紅隧」正名只為「海底隧道」，嚴格來說亦唔係設在紅磡，油尖旺區先啱。