《黑色沙漠M》手機版質素一流

踏入9月份遊戲界即將有好多值得留意嘅新作推出，家用機平台，人人期待月頭嘅《Marvel’s Spider-Man》之外，其實仲有《NBA 2K19》、《Shadow of the Tomb Raider》同《無雙OROCHI蛇魔3》好值得大家入手，響呢堆作品之前，執筆時剛剛手機平台都出咗隻超級大作《黑色沙漠M》，呢隻game其實係由韓國同名嘅MMORPG移植，最大特點係畫面非常之靚，自定角色嘅細膩程度完全唔輸電腦版，奇妙在畫面靚爆，動作仍然維持到非常流暢，證明遊戲開發技術有番咁上下。土下座早就響韓國版本時就有接觸，暫時呢隻國際中文版響角色數量方面都未跟得上韓國，但由遊戲推出後server即刻爆滿嘅情況睇，隻game好快賺到錢，自自然然會不斷更新，如果大家接受到手機玩MMO，呢隻game值得試試。