近期憑著救護員「雄姐」一角而人氣急升的藝人張彥博(Bob)，剛剛完成佢嘅處男演唱會，雖然只辦一場，阿Bob施展渾身解數，自彈自唱多首歌曲，才華盡展，口碑非常好，fans都好期待佢嘅新作品。Ray知道阿Bob嚟緊擔任am730「中原慈善跑嘉年華」活動大使，賽事當日仲會現身嘉年華會，同大家唱歌玩遊戲添，嘉年華會係免費入場，任何人都可以嚟玩，現場會有攤位遊戲，又有精彩舞台表演，千祈唔好錯過呀！講番賽事，將會喺1月6日假科學園舉行，賽事分10公里、3公里及1公里親子跑，每位參賽者仲獲贈一個總值約500元的打氣禮品包，以及大會紀念tee、tote bag、大毛巾及完成獎牌。有咁豐富禮物，又可做善事為救世軍天鑰家庭及兒童發展中心籌款，快Ｄ報名喇！
訂閱 《am730》 電子報
每周精選內容直送收件箱📧
掌握重要新聞資訊📈 財經投資🤖AI科技生活 🍽 美食玩樂 🛍 消費優惠 📰 城中熱話
提交代表本人同意接收am730所發出的推廣電郵，你可查閱本網站的私隱政策。