Café Terrace at Night

衝口而出、無禮而作、少年犯錯、人誰無過。偉大領袖，從小都係從錯誤中學習，成長反思，得饒人處且饒人，不必打狗入窮巷。畫家梵高，同樣曾經瘋狂，有幸他的作品，未被打壓，至今仍叫人嚮往……

中學課堂，美術恩師經常提及梵高(Van Gogh)，特別係佢其中嘅點彩風格，透過畫筆以點陣密集，簡直係近代四色印刷術的啟發。其實英文嘅Pointillism，顧名思義係逐點去point，連一條直線都盡量咪鬼畫，呢個名亦都係當其時藝術家對創始人Georges Seurat及Paul Signac佢哋嘅嘲諷。所謂莫欺少年窮，努力堅持之下已貴為大師之風，上岸之士千祈咪有風駛盡𢃇，放人一馬啦！

情有獨鍾畫出彩虹
梵高詩詞畫作多不勝數，如《Self-Portrait as an Artist》(自畫像)、《Wheatfield with Crows》(麥田群鴉)、《The Starry Night》(星夜)、《The Olive Trees》(橄欖樹)等等，尤其係勁出名嘅《Sunflowers》(向日葵)，同今次主角《Café Terrace at Night》(夜間咖啡座)，色調嘅運用與及獨有的筆鋒，總會叫人有一種心靈上的接軌與觸動。油畫確係情感豐富嘅表達，畫者與觀者的encoded and decoding，對作品的領略實在有賴後者的經歷與品格，珍品與垃圾在於一念之差，道行修為也。

近代大革命之後的法國人非常追求個人自由，喜歡我行我素，想點樣就點樣，外人都管不著。有幸藝術創作不影響日常，出色作品有賴這自由氣氛，《Café Terrace at Night》正好喺呢個環境誕生。完成油畫初稿之後，梵高寫咗封信俾佢Sister，話「……席座被黃色燈籠點亮，外牆路面甚至街道的鵝卵石反射光芒……藍色的天空下散布著星星……沒有黑色的夜晚，只有美麗的藍、紫和綠色……擺脫傳統黑夜的唯一辦法……晚上我非常喜歡畫畫……」可知，佢好鍾情呢度——法國南部。

無名小店靈感之巔
南法嘅普羅旺斯(Provence)，刻意遺留最多古羅馬遺址。鬥獸場、劇院、共和國廣場、公共浴場、迴廊等等，以及盛放的薰衣草田，都唔及得畫中的咖啡室吸引。《Café Terrace at Night》中所描繪的咖啡室，正好隱藏在這些古蹟之中。一間原本冇乜特別的小店，被這幅畫作帶來世界注視，由於通宵營業而被稱為「夜間咖啡室」。在煤氣燈照耀下的黃色牆壁和天篷，逆向對比住藍色的星空，梵高覺得夜間比白日的色彩更充滿生氣蓬勃。咖啡室於1990年代裝修之時，更加為此名畫由原本只為燈光所造成的效果而漆成黃色，名字亦曾改為Café Van Gogh，近年又再改為Le Café La Nuit。

1888年2月至翌年5月這15個月，梵高住在這Café及附近，這間收留醉漢、夜遊人與俾唔起住宿費者的下等地方，偏偏讓他開始瘋狂地完成約300多幅最精彩嘅作品。其實仲有一幅係室內情景的《The Night Café》(法語Le Café de nuit，即店名)，當中紅綠兩色刺眼的不安的氣氛，對比外間的平靜正好相反。

相煎太急放下石頭
從來學生係要教，而唔係踢佢走，除非呢一間唔係用心作育英才嘅學校。不過在踢人出校之前，如果覺得自己冇罪嘅，就先取石頭去擲向他……大人對學生，應有容乃大。