面試唔算係一個問題
2019-09-24

近排不同航空公司傳出恢復和停止請人的消息,風頭火勢人心惶惶,雖說呢行流動率奇高,近月尤甚,多了被辭職和恥與為伍的情況,入行或許更易。但招聘的消息仍難拿捏,未知要等幾耐先有training班開,仍有意申請的讀者申請前可睇定啲。
 

話說我當年入行並非一帆風順。本身做office,每年bonus完就係轉工period,當時手痕亂報,點知唔使一星期就有得見,措手不及下去碰運氣。花了一些時間刨熟公司資料,如公司背景文化、新航點、新搞作等,當然唔少得是相關新聞,各方面都要了解一下。我in過兩間唔同的航空公司,正式面試內容同網上分享的差唔多:中英普自介、小組討論、角色扮演同筆試,但聽講依家已經無咁麻煩。個人覺得,可以用把口發揮的都可臨時睇現場再反應,毋須過分緊張,有禮貌同由頭笑到落尾通常贏九成。但筆試會問有關公司問題就真的要上網睇睇,都係作為應徵者對公司起碼的尊重。

唔同公司第二輪面試時間都唔同,有的隔一排會收到email,有的即日通知。而我當時就係in完第一輪搭緊巴士的途中收到call,仲要同其他應徵者一齊,有的收到的是sorry call,場面確實尷尬。終極面試離唔開再一次中英普溝通同「點解要做呢份工」之類的問題,有時也會問情景題,睇下你的反應正唔正常,一般來講,正正常常笑多啲都有機。聽我講到好似好容易,因為面試真係唔難,body check同training先係打大佬……
 

Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多