身邊唔少朋友都同我一樣係帝苑fans，除咗餅店蝴蝶酥係新年送禮同去旅行手信首選以外，東來順嘅羊肉火鍋、越南餐廳Le Soleil嘅椰青菜式、意大利餐廳Sabatini嘅紅蝦意粉都係賣飛佛！當然，as a standard Kong girl，我一定偏心日本餐廳稻菊。
適逢帝苑稻菊開業15周年，佢哋就創計咗個十五周年感謝晚餐menu，將咁多年嚟嘅熱賣菜式一次過俾大家試齊晒。嗱，唔呃你，位位$1,500，唔係平嘅。但值唔值得去食應該係用質素去衡量，又唔係叫你日日食，久唔久吓自己去食餐好嘅一啲都唔過分！Menu一如以往有前菜、刺身、天婦羅、鐵板燒、飯及時令水果。刺身特別加入龍蝦刺身，師傅選用嘅係本地貨，口感彈牙而鮮甜，最重要係夠新鮮！另一道令我印象深刻嘅係梅天婦羅，用糖水浸泡一晚，瀝乾水再蘸上薄炸漿炸成天婦羅，OMG！好好食！外脆內軟又多汁，而且梅味突出，一啲都唔酸，我encore咗兩粒！
一邊食，一邊有同事同你講解菜式的特點，又免費上咗堂。值唔值得，你自己諗。
帝苑稻菊十五周年感謝晚餐 每位 $1,500 2733 2933