肥腸干鍋 $98
辣椒！辣椒！辣椒！辣椒！又係辣椒！原來是天后清風街新開的四川干鍋店「椒椒相見」。呢度所有材料來自四川，椒椒相見大廚陳師傅年紀輕輕已有十多年經驗，曾經喺重慶做廚嘅佢，做出嚟乾鍋特別夠香夠辣夠鑊氣，今次更首創以車仔麵模式，乾鍋配料可以自由選擇。就好似呢碟「肥腸干鍋」，用大量辣椒加秘製干鍋醬爆炒，辣勁十足，呢件肥腸喺口內辣味大爆發，食到額頭流汗，過癮！
什錦海鮮干鍋$338
另一必試菜式「什錦海鮮干鍋」，海鮮日日不同，今日有鮮鮑魚、螺、蜆、花甲、鮮蝦等，所有海鮮都以水煮醬汁浸煨半日，辣得嚟可以保持鮮美。「龍蝦干鍋」大大隻波士頓龍蝦，啖啖肉，唔鍾意咁大隻亦都有椒椒小龍蝦俾你揀。食辣嘢點少得「酸菜魚」，件件都係新鮮海鱸魚，湯底用豬骨、雞、魚煲足8個鐘，再加入野山椒，入口麻辣酸鮮！「醬油口水雞」三黄雞皮爽肉嫩滑，見到個紅油都流緊口水。如果你睇完Netflix日劇《激辛道》辣癮大作，嚟呢度止下辣癮就啱晒。
龍蝦干鍋$228
椒椒小龍蝦$188
酸菜魚$228
醬油口水雞$88
椒椒相見│天后興發街68號地舖(近清風街口)│6405 7120
天后四川干鍋專門店椒椒相見
椒椒相見