銅鑼灣登龍街1號 2567 8066
係喇係喇，今次我又寫日本菜。
銅鑼灣雖然食肆林立，但唔係間間都開到咁夜，放工11、12點，想搵間好啲嘅餐廳食宵夜都係一個難題。所以10次有8次，我都係選擇三田製麵所，而且每一次都係獨沽一味食明太子撈麵。好多人都話佢嘅湯汁太鹹，但我正正就係鍾意佢夠重口味。大大方方嘅明太子分量，帶點微辣，中和拉麵嘅飽滯感；撈埋半融化嘅牛油，口感更順滑(亦令到呢碗宵夜更加邪惡)。而重點就係紫蘇葉絲！雖然紫蘇葉嘅味道唔係人人都受到，但佢獨特嘅青味令整個拉麵變得脫俗(我認咁樣形容係有啲誇張)。我本身係好抗拒食明太子，因為我覺得啲鱈魚卵真係好腥好腥，不過，因為呢個拉麵，改變咗我對明太子嘅感覺，亦從此愛上明太子喇！(心心眼跳起yeah)