Ad Block Ad Block
生活
2020-08-28 04:30:00
日報

港灣一號歎茶。一盅好多件

分享:
蝦餃、燒賣

蝦餃、燒賣

面對疫情,餐飲酒店業首當其衝,二人限聚令下紛紛各出奇謀去爭取本地客源。由陳漢章師傅主理的港灣一號,最近推出周末精選早晨點心套餐,逢星期六、日朝早九至十一時,分三個價錢$398/六款點心、$498/八款點心、$598/十款點心。如果揀398連加一約四百蚊左右,二人前價只係每位兩百蚊,以君悅酒店級數來說,可謂超值,我當然瞓都唔瞓飛身去歎早茶。餐牌有齊廿二款包括蒸點心、炸物、腸粉、粥粉麵飯等,為免自己選擇困難,是日揀了$498/八款點心,由名廚章哥親自監督。點心相當精緻,蝦餃晶瑩通透質素極好,燒賣、牛肉球很紮實味道佳,不會將價就貨,擺明益捧場客。當中最深得我心肯定係梅菜叉燒腸粉,皮薄餡多油潤非常靚仔,入口既香且滑,呷啖普洱,邊看維港晨早美景,甚麼疫情鬱悶統統拋開。優惠去到九月尾,訂位要快,下次來我要食!十!款!
港灣一號│灣仔君悅酒店八樓│2584 7722

維港晨早美景

維港晨早美景

梅菜叉燒腸粉

梅菜叉燒腸粉

牛肉球

牛肉球

雪菜肉絲炆米

雪菜肉絲炆米

請接受以下私隱政策及免責聲明,以示你同意am730內之私隱政策及免責聲明。了解更多
接受