今年年頭同幾個台灣crew飛大阪，一程大概3至4個鐘，收完垃圾仲有時間可閒聊。台仔無聊沒事忙，突然問我如果香港打仗，香港男仔會奮起抵抗還是走佬？當時我諗起啲姿整、懶有潔癖，成日打機對住個mon指點江山的人，加上去過咁多地方，移民對香港人嚟講好似真係好容易咁，好快答佢「實會走佬」。台仔聽完無咩評論，但話如果係台灣，「男生一定會拿起棍子抗爭到底！」呢句好英偉！但礙於有少少社交障礙，我禁制住帶有崇敬之情的心心眼。
隔咗咁耐又諗起那台仔，唔係因為佢靚仔(其實係幾靚仔)，而係望住呢個時勢為香港挺身而出的港仔，鍥而不捨地堅持了十幾個星期。關鍵時刻Be water，勇武不忘gel頭，和理非齊上齊落，剛柔並濟能屈能伸。如果個男仔對自己身處的地方都咁關心，拼了命地捍衛核心價值，對另一半都唔會差得去邊。唔係呢排發生嘅事，都估唔到港男有呢方面優勢。如果再同呢個台仔飛，我會收番之前的答案，答佢「港仔is the best！」
香港人is the best！
肥、毒、宅的空中服務員。