「我已經冇低胸冇短裙冇發姣冇博上位一夠鐘就閃人！」 話說L是那種一年轉一份工，轉了十多二十年依然在職場中層氹氹轉的資深OL，對於升上神枱她一早已經絕望，只但求每月有幾萬元過手交租兼買隻二手名牌手袋滿足一下購物慾就算了；而L的愛情也跟事業一樣，一年換一段關係，數數手指，摽梅已過，嫁杏無期；L現在剩下的，就是化了妝還見得下人的面孔和沒生過小孩所以還可以的身材。L說，由公司同一level的同事都比自己年輕開始，她已經很識相地轉走低調路線，妝淡淡的就算了，上班衣服也隨便網購那些便宜的韓國倒模款式……問題來了，各方面都再無野心的L卻仍然年復一年在辦公室裡遇到專門找她來調情的男同事(記著她每年都轉一份新工作)，而且，那些男同事的年紀均非常穩定地在30歲左右，「以前都可以懶得戚咁話自己桃花旺，而家？我『被煲老藕』呀！」令L更困擾的是，「我覺得自己好似廿年前嗰套《Groundhog Day》嘅主角，每日一起身又過番同噚日一樣嘅生活，十幾年喺同一日走唔到出嚟！」 初出茅廬，在辦公室調調情是上班的樂趣之一，偶一不慎還真的會搞出真感情來；年月過去，我們對在辦公室裡flirt來flirt的興緻，跟對上班的熱誠一樣所剩無幾，被flirt不會再令自信心膨脹，只會困惑地想1.)係唔係整蠱我呀？2.)唔係有咩陰謀想整走我啩？3.)應酬你又唔係唔應酬你又唔係，不如你搵過第二個目標啦…… 「我真係咩都冇做，正宗『躺著也中槍』呀！」 「咪就係因為你咩都冇做囉！」(待續)
伍諾韻 www.facebook.com/littlelovequeen 周二、四刊登