2046年，我們沒走掉，也還沒死掉，依然家是香港；男男女女一捱25歲，還是跟三十多年前一樣，為結婚買樓等人生大事煩惱。27歲的樓華，25歲時往銀行交iBond申請表格時認識了銀行職員全定琪，全定琪跟他說不如存定期，讓樓華對這女生另眼相看，終於脫離毒男系列，展開轟轟烈烈的初戀；兩年後，存下的定期終於派息，全定琪懷孕了，為了做個負責任的男人，樓華不得不開始為買樓擺酒等事情頭痛。
樓華的未來丈母娘鍾溫繼是耆駱李圍村人，圍村風俗保守，對未來女婿要求甚高，「買咗樓未？未？咁結婚之後你哋住喺邊？」
「同我父母一齊住住先啦，我由細到大都住喺開心華之里，好開心㗎！」「華之里？啲樓好舊㗎噃！」「係呀，政府係咁催我哋要做樓宇更新，但我哋個業主委員會好有型，一於話之你！」
鍾溫繼眉頭一皺，「咁你哋打算喺邊到行禮？我哋圍村……」樓華趕快截住丈母娘，「我同定琪都想簡簡單單，搵史林廖賴律師行嘅律師做婚禮監禮人，佢哋到而家2046年，都仲係收緊三十幾年前我老竇老母結婚個陣嘅價錢九百九十九，幾好意頭！」
丈母娘頭上開始冒煙，「擺酒一定唔可以簡簡單單！去囍歡里擺啦！一定要有派頭！」「囍歡里？嗰度啲嘢全部貴夾唔飽㗎噃！」「貴夾唔飽先係派頭吖嘛！」「No啦，行禮之後，我想即刻同定琪去度蜜月，作為一個前毒男，我認為我哋應該對社會歷史有更多認識，所以我已經揀咗澳門做蜜月地點。」「Jesus Christ！」圍村出身的鍾溫繼惱得連英文也會說了，「去澳門度蜜月？」
「係呀，澳門有條雕漆里，好有歷史價值，明朝時代成條街都係賣雕刻同漆器，外母大人，你話雕漆里係咪好值得喺度蜜月嘅時候去呢！」
「阿女！你又話男朋友係大學畢業嘅年輕才俊？」「我真係大學畢業㗎！」「你究竟讀咩系㗎？讀到你個人咁嘅？」「外母大人，係調理農務蘭花系。」
ADVERTISEMENT
送QOLLABS美顏益生菌膠原蛋白粉（高效版）
