Ad Block Ad Block
新聞
2017-04-13 06:00:00

《戰國無雙:真田丸》中文版意外出色

分享:

上期講完《無雙群星大會串》,土下座今次真係要承認睇錯game,皆因同期光榮仲有一隻《戰國無雙:真田丸》,但有兩個重要原因令我喺二揀一嘅情況下放棄咗:一,隻game嘅日文版早於上年已出;二,隻game擺明車馬係為配合去年NHK嘅同名大河劇《真田丸》而推出,變相隻game都係純粹食話題,呢個正正係土下座睇錯嘅重點!皆因呢隻《真田丸》完全唔失禮,甚至稱得上《戰國無雙》新高峰。系統上佢用番4代,但就完全以真田家為主,故事跟足劇集走認真路線,由真田幸村未出世,講到佢戰死一刻,所以大家係絕對可以經由呢隻game,簡單睇到日本戰國時代發展(細節就唔好信太足啦,例如幸村本名其實係叫真田信繁),最值得欣賞嘅係,遊戲絲毫冇因為劇本龐大而偷工減料,所有系列角色都係可用,亦有城下野、地圖尋寶等新系統,著名戰役亦唔再係一關就完,反而係跟番歷史,用唔同大小戰役去還原。玩完就知遊戲有中文係幾重要,高度推薦!

請接受以下私隱政策及免責聲明,以示你同意am730內之私隱政策及免責聲明。了解更多
接受