土下座成日都話商業世界冇話絕對兩個字，曾幾何時，當全球唔少傳統game廠都開始發展手機遊戲市場，仍然仲有Wii同3DS等強勁主機，任天堂就「會唔會推出手遊？」呢個問題多次強調，佢地最強係硬體加軟體結合，所以完全唔會考慮響非自家平台度推出遊戲。直到iPhone 7發布會高調宣布會為iOS推出《Super Mario Run》後，任天堂正式涉足手遊界，商業面前，都唔怕打倒昨日的我。最近，更有報告指出任天堂2018年手遊收入達3.48億美金(27.1億港元)，當中《聖火降魔錄：英雄雲集》佔超過六成，而剛出冇幾耐嘅《失落的龍絆》都排到第2！老老實實，淨睇數字就知任天堂唔會輕易放棄市場，今年3月將會推出《Mario Kart Tour》手遊，孖車回歸，如無意外會更加驚人！