Am730
元祖魅力《真三國無雙》 真正手機版本
2021-03-25
Am730

本周必定係全民「芒亨」,畢竟Switch版《MONSTER HUNTER RISE》即將推出,特別版主機甚至執筆時都見到街賣緊。咁多年嚟,只要芒亨出新作都係神級唔使講,而土下座就唔參與熱度,同大家分享下日本剛上架嘅手遊《真三國無雙》。你冇睇錯亦冇估錯,呢隻又係一隻《真三國無雙》嘅手遊,特別之處係,呢隻係無雙並非賣IP,而係真正由光榮ω-Force開發,而且仲視為20周年嘅重點項目。
 

講起無雙,總係令人又愛又恨,亦係傳說中最多人邊買邊玩邊鬧嘅作品,每次新作都好賣得,連水準慘不忍睹嘅《真三國無雙8》,都係系列中最好賣之一,非常神奇。今次手遊版幾乎係用全新思維製作,玩落亦確係同以往嘅授權作品有所不同,特別欣賞佢哋嘅細心。皆因同時做咗直同橫度兩種介面,玩家可以按情況單手玩或雙手玩一樣得,而且切換介面亦非常順暢;另一樣就係讀取時間及流暢度,唔會因手機機能所限而有太大問題,另外角色模組都係全新畫過,誠意十足,整體已經係非常唔錯嘅手遊。可惜嘅係,呢個水平如果可以早幾年推出應該會爆紅,但如今超高水準嘅手遊眾多,相反呢隻無雙好多設計都有啲顯得捉襟肘見。例如細心地可以打直玩嘅想法,似乎唔係太適用於連《英雄聯盟》都可以用手機操作嘅時代,光榮要用呢隻game無雙新作「吸金」,似乎有啲困難,真正fans相信都係會等今年嘅《戰國無雙5》吧!

Ranking
See AllAm730
See AllAm730
See AllAm730
See AllAm730

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多