近日有隻2017年尾嘅RPG作品，相隔一年半後，由電腦平台逆移植到手機平台，呢隻叫《Battle Chaser Nightwar》嘅遊戲，開發商由Vigil Games前成員創立，雖然係外國開發商，但成隻game十足似JRPG，回合制戰鬥，節奏唔快，戰鬥系統唔係亂斬就得，有一定難度，非常講求策略，有當年玩《Final Fantasy 4》嘅感覺。唯一睇到破綻嘅係劇本安排，JRPG多數以角色出發，睇住角色慢慢成長，但呢隻RPG就一貫美式架構，一開始已經齊主要隊友，隊友間亦早就認識，唔算太有前因，總之就係聯手探索未知大陸嘅秘密。不過，雖然係2年前產品，但無論畫質、美術同遊戲性都極高，就算放響電腦市場都好突出，水準自然遠遠拋離大部分手機遊戲，幾十小時遊戲時間亦同正常RPG無異，以78蚊定價嚟講相當抵俾。不過，App Store評分竟然超低，原因係遊戲對硬體要求高，手機冇4GB RAM都可能彈game，大家要留意啦！