上星期正式宣布3月3日推出，價錢2,340元仲有行版嘅Nintendo Switch，率先喺Amazon同Gamestop兩個大型online store度預購，唔使兩日已經賣斷。好多人包括土下座，今次都相當睇好呢部新主機。以往提起任天堂必定會跟埋「食老本」三個字，但細心留意遊戲界，就會知間間廠都食緊老本，唔係任天堂專利。呢部新機，重點都係將遊戲機變成家庭電器咁賣，價錢平、易操作，遊戲亦係以「輕巧」為主，加上近期任天堂接連推出復刻版紅白機及超任，開始自己都參與「集體回憶」呢個市場方針，所以都令土下座產生一種Nintendo Switch好似超任呢個想法，再睇吓而家嘅game list，又街霸又孖寶兄弟又炸彈人，兩千鬆蚊都唔夠俾停車場，但就可以買返呢啲回憶，好易中招呀。