哥迪奧拿夢漸近
2021-02-23

歐戰再燃,列強聯賽都先放輕啲去攻「大耳盃」;所以見到現列歐聯6大熱標熱門,啱啱喺聯賽都收油,最叻嘅係今屆大熱「藍月」曼城同近年歐聯「捧盃專家」皇馬,小勝對手1粒,保住勁勢配合明晚分途出征、而今晚先登場嘅馬體會同「六冠王」拜仁慕尼黑,近兩場聯賽咁啱各失5分,仲放頭豪得起;最騎呢係上周出場首回合贏波嘅利物浦同PSG,返聯賽主場各吞兩蛋,分分鐘兩頭唔對岸。
 

兩頭唔對岸,只因藍月贏到唔識停,冇強隊想晉級後,喺歐聯下一圈8強至抽到尾同呢支英超1哥同一線路。喺英超佢哋喺傳統Big Six全面瓦解後,又點會怕「狐狸」、「拖肥」同「槌仔」之流上前挑戰;嗰種全民皆鋒又皆守,實在行得太快,隊波已經好似去到只係冇咗哥迪奧拿唔得,近屆歐洲波罕見。哥帥過去教藍月4季,屆屆有盃落袋,但歐聯未入過4強,呢個夢今屆會好接近;明晚16強首回合只對近期喺德甲都唔識贏嘅慕遜加柏,仲可以留啲力,迎接下場英超招呼「倫敦最強」槌仔幫。

Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多