歐聯真命天子
2020-08-11

8月歐洲球壇反現高潮,歐聯8強赴葡萄牙困獸鬥,打到月尾贏3場波就攞冠軍,感覺上似進入咗淘汰圈嘅世界盃,隨時出現加時甚至互射12碼嘅場面,門將穩健度比有球王壓陣更重要,加埋球員狀況未明,好似向來歐聯「二奶命」嘅馬德里體育會,原本抽好籤8強對住冇咗射手迪姆華拿嘅RB萊比錫,加埋踢法穩陣喺一場過決戰有著數,點知臨出發先至據報有球員中咗新冠肺炎,備戰同心情會大受影響,個局唔易睇通。

另一場上線比賽,巴黎聖日耳門對住冇咗「情傷射手」伊利錫嘅阿特蘭大,當然備受看好;但王牌球員基利安麥巴比有隨隊但未傷好,加埋佢哋對上7屆最叻去到8強,呢類獅子撲兔嘅球隊,其實最易被守死。下線上演早來冠軍戰,由往績卓越嘅巴塞隆拿鬥成個歐洲球壇今夏最勇嘅拜仁慕尼黑,冠軍二選一,只怕鬥得太激,會唔會益咗下一個對手曼城?不過奪標大熱曼城喺英足總盃俾阿仙奴嘅突擊收死,要先對住體力充沛兼啱啱踢走C朗嘅黑馬里昂,呢場波有暗湧。

Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多