紅軍解咒還看未來2戰
2020-11-17

今年國際賽期快完,對衛冕英超嘅利物浦嚟講,煎熬卻未完,由上月國際賽後首戰折損華基爾雲迪積克起,今個國際賽期未完已有另一中堅祖高美斯打柴,英超領先射手之一的穆罕默德沙拿返埃及即中肺炎,更有左閘安德魯羅拔臣踢太公波太用力,腿筋疑似拉傷提早退隊,加埋右閘阿歷山大阿諾特唞一個月,紅軍防線全面告急。利物浦未來一個月打9場,硬仗過半,最關鍵可能係嚟緊周日招呼李斯特城後,再喺下周三迎戰阿特蘭大。
 

領隊高普用人精明果敢,係化解今次紅軍危機嘅最關鍵人物;上次英超鬥曼城敢用新兵迪亞高祖達打右翼,改動原「古埃及文明三叉戟」,不敗而回;雖然當時防線正選4人,極有可能有3位喺嚟緊周日缺陣,但新人守將尼高威廉斯同尼達利菲臘斯等上位,而且「狐狸」同「藍黑軍」都係擅打快攻,未必針對到紅軍欠高大守將擋高空波攻勢。紅軍歐聯再贏即提早出線,英超長期亂局,守住三甲嘅利物浦,捱到明年1月唔冧檔,依然深具爭霸實力。

Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多