美斯去PSG
2020-12-29

英超年尾不停,今晚10隊波登場,當中有6隊喺3天內要踢2場,領隊正常會大輪換;但中小型班應該唔會好似阿仙奴「拆禮物日」爆冷贏車仔,完全收起隊長奧巴美揚、同成個英超最多精兵嘅曼聯,今晚輪到大牌保羅普巴、雲迪碧克同卡雲尼擔正,招呼狼隊。曼聯同阿仙奴喺呢個「快車二期」仲要多對手休息一天,今晚場波好著數。

西甲唞幾天都要年尾趕踢返一輪。明年夏天約滿巴塞嘅美斯,特准多留喺祖家阿根廷度假,今晚西甲鬥伊巴唔出;喺巴塞聯賽落後唔少嘅情況,呢個「特權」可能係球會迫放無奈嘅讓步。始終一踏入2021年,球王可自由跟非西班牙球會傾明年夏天過檔,佢嘅離心路人皆見,只係會方唔肯面對嘅現實。33歲嘅美斯今屆喺西甲上陣14場入7球,如果鬥心似C朗,值得出走擁有另一張肥約。下一站大熱門係去曼城,但踢英超有幾辛苦,曼市生活有幾枯燥,佢可以問同胞泰維斯;加埋哥迪奧拿喺藍月嘅日子似係倒數中,美斯諗得通應去普捷天奴新教嘅法甲豪門PSG。

Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多