哥迪奧拿落實來季執教曼城後，隨即傳出中場核心耶耶托尼會離隊。事緣兩人喺巴塞時鬧不和，哥帥寧願用由預備組升上一隊嘅布斯基斯打正選，都唔用正直當打嘅耶耶，就知兩人積怨甚深，最終不歡而散。得悉哥帥來季接掌帥印，相信曼城球迷都知耶耶冇得留低，近日其經理人亦公開表示，球會無意同耶耶續約，據悉聖日耳門、拜仁同祖雲達斯都對呢位科特迪瓦中場有興趣。無可否認，近兩季耶耶嘅表現有跌watt跡象，加上年屆32歲，要應付英超咁高速度嘅賽事較為吃力，離隊轉戰其他聯賽絕非壞事，以佢嘅能力同經驗，絕對唔愁冇班落。
哥迪奧拿落實來季執教曼城後，隨即傳出中場核心耶耶托尼會離隊。事緣兩人喺巴塞時鬧不和，哥帥寧願用由預備組升上一隊嘅布斯基斯打正選，都唔用正直當打嘅耶耶，就知兩人積怨甚深，最終不歡而散。得悉哥帥來季接掌帥印，相信曼城球迷都知耶耶冇得留低，近日其經理人亦公開表示，球會無意同耶耶續約，據悉聖日耳門、拜仁同祖雲達斯都對呢位科特迪瓦中場有興趣。無可否認，近兩季耶耶嘅表現有跌watt跡象，加上年屆32歲，要應付英超咁高速度嘅賽事較為吃力，離隊轉戰其他聯賽絕非壞事，以佢嘅能力同經驗，絕對唔愁冇班落。