曼城中場耶耶托尼威脅球會，若果今個周末仍未能達成續約協議，將於5月離隊他投。耶耶托尼與曼城洽談續約已經差唔多半年，但球會遲遲未有定案，令到托尼非常不滿。據英國傳媒爆料，其經理人施歷已發出最後通牒，如果曼城未能在今個周末達成續約協議，托尼將與其他球會斟介，隨時5月離開曼城。佢仲話，托尼不受球會高層尊重，只有領隊文仙尼愛惜呢位科特迪瓦球員。個人認為，耶耶托尼喺曼城陣中非常重要，係一位攻守兼備嘅世界級中場，雖則周薪高達22萬英鎊，係全隊最高薪球員，但絕對值得，如果佢離隊嘅話，真係唔愁冇班落。有傳皇馬、曼聯、車路士及巴黎聖日耳門，均有意簽下仍在巔峰期嘅佢。
