今晚法甲有場獨腳戲，由南特主場迎戰卡昂。南特近期為護級使出渾身解數，先後擊敗昂熱、蒙彼利埃及圖盧茲，取得今季首次3連捷，暫列聯賽榜14位，惟仍未脫離降班漩渦。新任教練干斯卡奧接掌後明顯有改善，取得5勝1負佳績，但佢哋今季主場成績差勁，至今只曾兩勝，而最大問題係主場攻力疲弱，平均每場只入0.44球。卡昂近況亦略有改善，繼足總盃作客3比0擊敗聖熱納維耶沃，上仗更於主場以3比2贏里昂，現時排喺法甲15位。佢哋今季作客超差，至今仍未開齋，取得1和8負劣績，平均每場入0.66球，但卻要失2球，係法甲作客成績最差嘅球隊。雖然作客成績不濟，但近6次到訪南特卻錄得3勝2和1負的成績。事實上兩隊各有缺點，難有穩勝把握，大有機會和波收場。