巴塞喺歐聯16強對巴黎聖日耳門，首回合作客輸0比4，次回合返主場贏6比1晉級，今次落後祖雲達斯0比3，能否再創奇蹟？巴塞喺今屆歐聯主場4戰全勝，攻入21球只失1球，平均每場入5.25球，魯營球場賽在威力驚人。美斯同蘇亞雷斯狀態唔錯，前者上仗梅開二度，協助球隊主場3比2擊敗皇蘇，可惜尼馬狀態低沉，至今聯賽只有8球進帳。「老婦人」今季主場超級強勁，作客亦絕不失禮，至今歐聯4戰全勝，曾擊敗過薩格勒布戴拿模、里昂、西維爾及波圖，但呢幾隊同巴塞有段距離，今仗先係真正考驗。希古恩及保羅戴巴拿腳風唔錯，前者剛喺聯賽攻入兩球，後者上仗對巴塞梅開二度，今仗仍會係對方後防心腹大患。論形勢迫切性及主場威力，巴塞今仗可贏波，但恐怕不足以晉級。