Ad Block Ad Block
體育
2017-03-21 06:00:00

比賽總有球員落選

分享:

最近本地球壇爆出大風波——白鶴發表宣言,直指會退出由「韓國人金教練」帶領嘅港隊。點解要強調金判坤係韓國人呢?咁講令人聯想到佢嘅決定,同近日中韓關係緊張嘅政治因素有關,白鶴就話同政治無關,只係不滿教頭挑選球員嘅方式,而寫明韓國人,係因為佢唔知Kim sir全名點寫。Kim sir落柯打多起用年輕球員,都係希望為香港隊嘅長遠發展着想,仲話白鶴鍾唔鍾意自己並唔重要,最重要係香港隊贏波。


其實每當有比賽,就總有球員會落選,咁樣發表宣言只會影響士氣,恰當嗎?其實當中恩怨情仇,恐怕只有當事人先至最清楚。港隊昨日操練時,林鄭忽然現身打氣,又係咪同政治有關?快樂足球至緊要,唔好再將簡單嘅事情複雜化啦!

請接受以下私隱政策及免責聲明,以示你同意am730內之私隱政策及免責聲明。了解更多
接受