別誤會，這裡所講的真理，是外號The Truth的NBA名宿Paul Pierce。本月初，「真理」因為IG直播比堅尼女郎為其按摩而惹來猛烈抨擊，雖然大家都唔係衣不蔽體，而且片段內只是玩下poker按下肩頸，但Pierce的社交媒體舉動令他立即被ESPN解僱。不過這位「綠衫34號」繼續在其IG發功，一路食大麻煙一路直播不特止，更上載自己嘅私家大麻種植場。(不可一，不可再，向毒品說不。)
其實要在社交媒體突圍而出，「真理」大可參考摩連奴，一幀舊照，簡單一句「Ball possesion」做caption，就算早幾日前被人炒魷都可以繼續喺謝拉特傷口灑鹽，咁先係高嘛。
Paul Pierce的籃球成就非凡，波士頓塞爾特人和他的母校Kansas大學也退役了其34號波衫，所以他的行為對後輩運動員一定有影響。老實講，「真理」如果退休後悶到發慌，大可研究投資之道，現役的籃網球星Durant就是其中一位值得借鏡的例子。繼投資初創外賣app再扮外賣員放上IG呃Like，最近仲因為Coinbase上市而身家暴漲，「真理」唔搞農務，其實有好多其他搞作。
唔再係電台主持，自己搞YouTube 頻道。標準球迷，從小睇波變成夜鬼，兵工廠係我信仰。