曼聯爭前4任務提早宣告失敗，摩連奴話集中火力爭歐霸冠軍好過啦！要留力所以對熱刺時，摩帥都大變陣，出動5個中堅重兵防守，盯人戰術係就係凍結到熱刺啲攻勢，例如mark實中場大腦艾歷臣，等佢發揮唔到派牌嘅作用。不過又未至於滴水不漏，朗尼發夢走甩人，有時防線又走漏眼孫興民。最終朗尼都叫將功補過，比賽尾段接應馬迪爾橫傳追番粒，輸1比2都冇咁肉酸。主場白鹿徑球場亦完成118年歷史任務喇！熱刺全取3分都係一個happy ending啦！仲提早篤定英超亞軍，歐聯入場券亦袋袋平安。但係下季要應付多條戰線確實係好大挑戰！