今晚上演兩場洲際盃A組賽事，其中俄羅斯對葡萄牙戲碼比較吸引。主辦國俄羅斯首仗以2比0輕取新西蘭，今仗面對歐國盃冠軍葡萄牙，將受到較大考驗。俄羅斯由卓基索夫領軍後，引入唔少新兵刻意年輕化，主要以莫斯科斯巴達、中央陸軍、辛尼特及羅斯托夫球員為骨幹，首次參加洲際盃有主場之利，或會成為一路奇兵。葡萄牙上仗被墨西哥逼和2比2，整體發揮尚可，但略嫌防線唔夠集中，導致補時失波。葡軍繼去年勇奪歐國盃後，希望喺今屆洲際盃乘勝追擊，入選大軍以去年歐國盃班底為主，誠意十足，但往績較為輸蝕，近3次到訪俄軍，錄得1和2負未嘗勝仗。睇過兩隊首輪嘅表現，今仗好大機會和波收場。