英超獨腳戲，車路士主場迎戰屈福特。車仔上仗作客1比0擊敗西布朗提早封王，今仗可謂例行公事，唔排除領隊干地會讓主力球員休息，派遣副選上陣。能夠提早捧盃主場一定有番咁上下，至今贏過15場，勝出率高達88%，平均每場入2.7球，只失0.76球，主場攻力冠絕英超。雖則屈福特無愁降班壓力，但近況認真不濟，聯賽連輸4場，最大問題係一球都入唔到，反映其攻力疲弱。佢地今季靠主場搵食，作客認真麻麻，至今只曾3勝，平均每場入0.67球，卻要失1.94球，可用6字形容「攻不銳、守不穩」。對賽方面，近6次到訪史丹福橋球場，錄得1和5負劣績明顯比下去。論近態、實力及往績車仔高出幾班，只要今場穩紮穩打，仍可輕勝對手。