Ad Block Ad Block
體育
2019-09-03 05:15:00

開心過和阿仙奴

分享:

英超今季唔跟大隊,開咗季只俾放人冇得再簽新兵,搞到列強囉囉攣。曼城高層叫要慳住使,哥迪奧拿只簽下一位貴價防中洛迪卡斯簡迪,開季前已講中堅可揾34歲嘅費蘭甸奴墮後替補;話咁快開口中,原本已入選法國家隊嘅拿樸迪上仗重創要長唞,而史東斯先啱啱好返,中堅得番奧達文迪係健全;加埋翼鋒利萊辛尼呢位長期十字兵,藍月唔多夠優質兵攻兩線。再講,哥帥恨幫藍月攞歐聯,唔通今屆真係造就利物浦英超造王?


致力掃走舊帥殘餘勢力嘅曼聯同阿仙奴,前者近期放走盧卡古、阿歷斯山齊士同基斯史摩寧;阿仙奴大戰前照賣走忠臣蒙利爾,新人今季上位機會大增。歐洲關窗,更對另一Big Six熱刺係大喜訊。球隊一向兵薄,但中場重心、英超助攻王基斯甸艾歷臣成日傳去皇馬;有佢擔正,熱刺季初作客連和曼城同阿仙奴;佢囉囉攣,普帥燉佢踢後備,熱刺主場鬥紐卡素都輸。留得住佢,「肥普」應該開心過頂得住下半場狂攻嘅阿仙奴,攞返一分。

請接受以下私隱政策及免責聲明,以示你同意am730內之私隱政策及免責聲明。了解更多
接受