Ad Block Ad Block
體育
2020-05-19 04:30:00
日報

鬼波下嘅天使

分享:

德國形容閉門下嘅足球比賽為「鬼波」(ghost games),重開首周戰果「不鬼」,拜仁同多蒙特齊響頭炮,對同樣取得「首球」的射手羅拔利雲度夫斯基同艾寧夏蘭特更別具意義;「羅拔仔」連續5季攻入40球或以上,細佢12年嘅夏蘭特就完成今季「大三元」——分別喺前効嘅薩爾斯堡同現効多蒙特,加上歐聯各攻入10球或以上。呢位挪威大男孩在世紀疫情下,盡攬全球體育版頭條;始終球員魅力在場上,球王美斯、C朗同一眾英超球星,都係乖乖地盡快加操,迎接下月各地復賽。
 

柱躉「9號」喺歐洲球壇唔吃香,上提兩位德甲當紅箭頭不可多得,當中夏蘭特剛戰無論入波後嘅斯文慶祝方式、比賽中被對手問候祖母同攔腰阻截兼踩腳面倒地,仍沉著應戰,恍如鬼場中嘅天使。坦白講,佢腳下功夫、同隊友配合,仲有好大進步空間,但勝在步大力雄,射門命中率高,將來要跟從老父步伐,去英超揾大錢,除咗要繼續苦練外,都要學好英語,但佢好似喺英國出世,賽後訪問扮唔識講英文咁純情?

請接受以下私隱政策及免責聲明,以示你同意am730內之私隱政策及免責聲明。了解更多
接受