視像裁判(VAR)相關技術不斷成熟，愈嚟愈多主流賽事引進呢個系統，包括今屆洲際國家盃，評價就有彈有讚。德國以3比1擊敗喀麥隆，賽果好正路，但比賽期間，喀麥隆右閘馬保卡舉腳過高踩中安利簡恩，球證羅頓本來出示黃牌，睇完VAR先改為紅牌，但竟然搞錯咗，將另一喀麥隆球員施亞尼趕出場，之後羅頓覺得唔多妥再走去睇VAR，先至糾正將「元兇」馬保卡趕出場。VAR真係幫到手，不過科技嘅介入，就被批評破壞球賽節奏，國際足協會長恩芬天奴已經確認，來年俄羅斯世界盃將採用VAR，唔知會唔會又惹起爭議呢？
視像裁判(VAR)相關技術不斷成熟，愈嚟愈多主流賽事引進呢個系統，包括今屆洲際國家盃，評價就有彈有讚。德國以3比1擊敗喀麥隆，賽果好正路，但比賽期間，喀麥隆右閘馬保卡舉腳過高踩中安利簡恩，球證羅頓本來出示黃牌，睇完VAR先改為紅牌，但竟然搞錯咗，將另一喀麥隆球員施亞尼趕出場，之後羅頓覺得唔多妥再走去睇VAR，先至糾正將「元兇」馬保卡趕出場。VAR真係幫到手，不過科技嘅介入，就被批評破壞球賽節奏，國際足協會長恩芬天奴已經確認，來年俄羅斯世界盃將採用VAR，唔知會唔會又惹起爭議呢？