Ad Block Ad Block
新聞
2020-10-27 04:30:00
日報

歐洲賺了一小時

分享:

自剛剛過咗嘅星期日開始,香港同瑞典之間嘅距離又由六個鐘變回七個鐘個喇。

夏令時間,又稱日光節約時制。而每年十月同三月嘅最後一個周末,就係歐洲各國切換冬夏令時間嘅日子。夏令切換至冬令時間嘅星期日凌晨一點五十九分過後,時間就會再次自動調整至凌晨一點。相反,冬令切換至夏令時間嘅星期日凌晨一點五十九分過後呢,時間就會直接跳到凌晨三點。

雖然唔鍾意冬天嘅日短夜長,同時亦覺得冬令時間令自己同香港嘅距離又遠咗。但不得不承認,隨住切換冬令時間而「賺咗一個鐘」確係幾爽。而印象中嘅三月尾周末並唔討好,因為變相大家喺呢晚都會瞓少粒鐘,瑞典嘅朋友們都叫苦連天。

2018年,有機構訪問咗四百萬名被冬夏令時間影響嘅歐洲居民,關於冬夏令時間機制,其中八成四嘅受訪者都表示希望呢樣機制會被取消。2008年一項瑞典研究指出,由冬令切換至夏令時間嘅嗰個星期,交通意外嘅發生率同心臟病發率都會比平常日子要高。而由夏令切換至冬令時間嘅呢個星期,交通意外嘅發生率同心臟病發率又會低一點點。睇嚟反對冬夏令時間機制嘅人,確實有佢哋道理。

無論如何,今年將會係最後一年有冬令同夏令時間之分嘅一年。因為歐洲議會剛通過咗取消冬夏令時間制度,各個歐洲國家將要決定以後想要停留喺冬令還是夏令時間。

唔知瑞典會點揀呢,大家又會點揀呢?

請接受以下私隱政策及免責聲明,以示你同意am730內之私隱政策及免責聲明。了解更多
接受