我記得
3歲時，我畫咗人生第一幅畫比媽媽
14歲時，我買咗人生第一件女裝送比佢
18歲時，我第一次請佢出街食飯
24歲時，我帶佢去旅行，佢第一次出國
大個咗其實成日都會諗
成日話母愛真偉大 偉大啲咩呢？
最偉大嘅可能係佢願意為咗照顧子女
放棄自己嘅私人時間、朋友、興趣
唔計較有幾攰、有幾忙
依然將子女所需放喺第一位
有時人好蠢
要親身經歷過至明白某啲道理
蠢就蠢在有時到你明白時
有好多想做嘅嘢已經做唔到
知道咗阿媽為我哋犧牲咗青春、機會
（雖然佢哋唔覺係犧牲）
我哋又可以為佢做返啲咩呢？
問吓大家
知唔知你阿媽嘅夢想係咩呀
除咗希望你努力讀書事事順利成家立室之外 佢有咩想做而無做？
我.... 答唔出
原來我答唔出....
係呀可能佢哋好多都係有仔女萬事足
可能佢哋見到啲孫都已經咩都唔使理
但佢自己呢？
今年
我會送份好特別嘅母親節禮物比我媽
依份禮物就係，登登登櫈～
家長夢想計劃報名表格
Chur! 有無hea啲呀
Hea唔Hea其實睇你點處理嘅啫
我哋專登喺母親節（同父親節）期間
搞咗個家長夢想計劃
好希望所有爸爸媽媽
無論喺邊個階段咩年紀
無論佢哋幾忙啲仔女幾纏身
都比返少少時間自己
搵返自己嘅生活、興趣、夢想
我哋無辦法令一日多24小時
亦唔係要每個阿媽拋父棄子追夢不返
我只係覺得
每個人都應該有時間同心力留比自己
我會陪我媽填好份form
雖然佢作為活動主辦單位成員嘅家人
係唔會有機會得獎
但得唔得獎唔重要
重要係我好想同媽媽傾吓佢嘅夢想
各位孝子考女
如果你都覺得依份禮物啱用
可以去 www.laviolet.com.hk 下載表格
或者再簡單啲去 http://bit.ly/lvdreamplan6 報名
祝大家有個美滿同特別嘅母親節！
