Ad Block Ad Block
新聞
2017-03-24 06:00:00

Santorini 藍頂白屋

分享:
山頭的另一邊為大平原,當然建築物全部都一樣係白色。

山頭的另一邊為大平原,當然建築物全部都一樣係白色。

招牌結婚相,個個其實一式一樣。

招牌結婚相,個個其實一式一樣。

希臘有一個特色,就是旅遊景點多為小島。而島嶼賣點,當然係沿岸景致。而希臘眾島的遊玩首位,當然係明信片中的Santorini。

希臘的「臘」音為「立」,打獵的「獵」音讀「聶」,千祈唔好將希臘文讀為希「獵」文,燒臘飯變位燒「獵」飯,City Hunter「城市獵人」變位蠟像館的物品。


愛琴海岸 熱情奔放
同為希臘小島,Santorini與百年城牆的Rhodes「羅德島」完全相反。中譯的「聖托里尼島」充滿著度假的休閒,白色小屋隨海岸沿坡而建。其實Santorini一字原本指在愛琴海上組成的島環,而環區上最大的該島本名為「錫拉」丶「卡利斯提」或「斯特隆基里」,不過叫下叫下被稱為Santorini。就好似香港原本的荔灣,因為美孚新村之故而被叫作美孚。


講咁耐,純粹名字相信大家都未必知係乜,但當講到藍頂小白屋,嗰分感覺即刻出晒嚟!藍天、碧海、白屋;浪漫、熱情、奔放,連王小鳳昔日之寫真集都取景於《自由自我在希臘》,就知道這是一個抒懷放鬆的地方。舊時明信片或近年網友結婚相,都會取景於藍頂小白屋,左面和前面對正愛琴海,右面白屋為襯托,新人就在正中的白屋頂做出高難度招牌動作。不難發現,睇足10張相10張都係咁嘅感覺,因為對海的藍頂就只得呢幾個。

 


藍白眼見 愛國表現
其實小島上並非所有屋頂都係藍色,只有半圓形的屋頂才有這必要。外牆、屋頂、柱,等總之逢係石屎的建築,就必定係純白,而半圓屋頂、簷篷、籬笆、和外窗則一定要藍色,仲要係寶藍色。當然有啲就堅持個性,選用淺黃、淺啡、淺粉紅,但係都唔敢過於標奇立異,太過突出自己。有傳指法例規定業主每年需要重髹外牆,以保持市容面貌,所以見唔到有九龍皇帝墨寶、追債噴油和Graffiti(塗鴉)等等。

Ad Block


有傳藍白色系代表愛國的象徵,在被土耳其統治時期特意髹上,以表愛國忠貞。又有指有錢人可以作粉紅色外牆,有地位之仕則為黃色。即係簡單講,愛國要愛出面,擁護要讓人見,至於點樣投票,就……到時先至……

 


風光一時 坎坷幾年
睇嘢唔好睇一面,其實小島的山頭另一邊為大平原,當然建築物全部都一樣係白色。不過多數遊客都係由大郵輪接駁小船,再以纜車登山,在白屋之間的小店及餐廳,食一餐午飯及只逗留一個下午,影幾張招牌相便走人,錯過了被譽為全世界最美麗的日落黃昏。

Ad Block


Santorini的旅遊旺季,集中在每年的5至10月,亦因為島上教堂之多,而成為近年中、港、台人士潮興舉行婚禮的地方,豪灑十萬、八萬大陣仗地帶備整隊攝影師、化妝師及全副架生來拍攝婚紗相。其實婚禮只得1天,婚姻則為一世,何不好好用時間和金錢去作深入的婚前輔導,才是過建立家庭的必然功夫。 

海天一色的美景,是吸引遊客的地方。

海天一色的美景,是吸引遊客的地方。

較少人會到的黑沙灘Perissa Beach。

較少人會到的黑沙灘Perissa Beach。

請接受以下私隱政策及免責聲明,以示你同意am730內之私隱政策及免責聲明。了解更多
接受