最近這段時間，中美貿易關係緊張之餘，再加上那個讓人擔心足以拖垮香港國際都市地位的「送中條例」(編按：逃犯條例)，不少識計數的商人都紛紛部署撤資，或者至低限度，都部署將部分資產暫時泊到別的地方避一避。不過話雖如此，甚麼時勢都總有人唱反調，甚至認為你們這些「驚到咁」是傻仔行為。雖然我跟這些朋友，對當前局勢有著不一樣的看法，但我還是比較敬重他們，起碼他們是言行一致。口講睇好、還大聲嘲笑人「有乜好驚」，但自己的錢卻第一個運走的那班人，最討人厭。
好友之所以「睇好」，其實來來去去都是幾個講法。早兩個星期我寫過一次，有部分人覺得自己生意不大，又不涉政治，他們自覺只是政權眼中的small potato，所以有事也不該輪到自己。另一些生意大一點，在國內他們自覺有許多「關係」。這些有關係的人，不斷向他們提供許多所謂政商資訊。他們覺得自己有本事準確掌握內地的訊息、政治的風向…面對這些朋友，我永遠也搭不上咀。當然我沒有渠道接收他們能收到的資訊，但即使有，這些資訊其實又有幾信得過？「信得過！我國內呢個friend係乜乜部長個情婦喺深圳收埋嘅秘密情人嘅細佬嚟㗎，啲料好堅！」嘩，你個friend同權力人士「close」成咁，啲料當然堅啦。然而就算他們真的有準確的內幕消息，那又真的可以讓你在混濁的大環境裡生存過來？也許你在逃走的時候能比我行快一點點，但當那個核彈炸到這個城市來的時候，走快那一點點，其實也不見得能逃得掉。
最後還有一批好友，他們的原因…就是「覺得唔會有事」囉。其中有個朋友跟我說：「唉，CK，一定冇事嘅。香港經歷咗咁多嘢，邊次會有事㗎。」在太平盛世的地方生活得太久，就容易發展出「呢個世界係永遠冇打仗」這回事的生活態度出來。過去四十年能有的安逸，在他們腦袋裡，未來三百年也該不會改變。朋友還跟我說：「你睇吓，97嗰陣個個驚到半死又移民又乜又物…結果佢哋咪白白損失咗嗰十幾年喺香港嘅發展囉。你睇吓佢哋，幾多人後悔呀！香港邊會有事㗎？美國同中國都係鬥拋㗎啫，最後我肯定一定傾得掂冇事㗎喎。」
其實做這種人也不錯，這種態度也許讓人生擔心少許多事情。像我這種人，永遠都防範大黑天鵝，永遠擔心有擦槍走火的機會。做人沒有兩手準備，我會萬般不放心。
「使乜驚吖，真係爆鑊嘅機會，咪得兩、三成左右？」朋友說得輕鬆。
我心諗：就算真係得兩成機會爆鑊，你都應該會做定準備啦；何況，我覺得機會其實遠遠不止此數。
