Ad Block Ad Block
新聞
2018-10-30 06:00:00

浸大杜比全景聲製作室 亞洲學府第一

分享:

去戲院睇戲除咗有大銀幕,音響設備都係其中一個賣點,近年有唔少戲院開始增設杜比全景聲系統(Dolby Atmos)。浸大傳理學院今年成立50周年,本學年新增多項硬件設施,其中電影學院就斥資逾600萬增設杜比全景聲製作室,係亞洲第一間學院有此先進設備。
 

唔好以為全景聲製作室有錢就得,項目籌備和興建時間長達3年。電影學院副總監文樹森解釋,因為學院大樓空間有限,所以過程中有唔少專家參與設計和測試,確保符合杜比標準。佢又提到,香港電影業以往較重視畫面,相信製作室可以填補「最後一個真空」─ 聲音,相信新系統可以幫助訓練同學用聲音說故事,以便日後與業界接軌。

至於傳理學院方面,今年都緊貼行業趨勢,新增AI與媒體研究實驗室及VR工作室兩項設施。但新聞系系主任李月蓮強調,科技只係工具,唔會因此忽視新聞寫作或調查報道等傳統技能訓練,學生實習刊物《新報人》亦都會繼續發行印刷版。

請接受以下私隱政策及免責聲明,以示你同意am730內之私隱政策及免責聲明。了解更多
接受