解構港人看視像習慣平台變化大

智能手機愈來愈普及，好多人包括阿Ray，都會喺搭車時用手機睇片。但根據媒體策劃公司OMD與實時消費者資訊和研究科技供應商Toluna早前公布嘅研究報告指出，原來只有約半數受訪者會喺屋企以外嘅地方睇免費/收費數碼視像內容，而喺屋企睇電視或用電腦睇片則仍然係主流。調查結果仲顯示唔少視像內容平台有觀眾重疊嘅情況。雖然睇收費數碼視像平台嘅人多咗，但觀眾對內容嘅要求亦有所提高。另外，唔少人亦會於社交平台收看視像內容，但觀眾對不同平台上的視像內容，亦會有不同要求。所以無論喺內容或廣告上，都要多花心思，於不同平台提供針對性內容以吸引觀眾欣賞，滿足不同觀眾嘅期望，從而做到引起共鳴，甚至成功宣傳推廣嘅效果。