唔好亂咁話人情緒勒索

好多人聽到唔啱自己聽的要求就好容易指責人情緒勒索。

但真正的情緒勒索，唔係咁簡單。

心理治療師Susan Forward指出，情緒勒索有三大要素：
恐懼(Fear)、義務(Obligation)、罪惡感(Guilt)——簡稱FOG。
即係對方用你最軟弱嘅位置，逼你做一件你本身唔願意做嘅事。
重點係「逼」，唔係「表達」。

但而家濫用得幾嚴重。
例如：朋友傾訴時講一句「你咁做我真係好唔開心」，
只係想你明白佢嘅感受，
結果可能會有人即刻反擊：「唔好情緒勒索啦。」
一句錯誤指控，
令原本可以好好溝通嘅空間，瞬間關上。

濫用「情緒勒索」四個字，
最大嘅禍害係令真誠嘅情緒被污名化，
令真正嘅勒索被忽略。

唔好亂咁話人情緒勒索。
分清楚「分享感受」同「操控他人」，
係每段關係都需要嘅成熟。

有機會再分享多啲例子，
希望大家珍惜身邊的關係。

Tim Sir林雲峰
催眠治療導師
哲學諮詢師(企業)
香港催眠輔導中心創辦人
亞洲催眠治療及輔導協會創會理事