Ad Block Ad Block
新聞
2019-10-17 05:00:00

藍黃共處一室

分享:

最近跟一些自稱非藍非黃,算是能溝通的「朋友」交談,或許代表了香港一大板塊的意見。

有人語重心長叫我勸告政府的官員:「今日的局面,政府最核心那幾位,起碼要負一半責任。無心做、無能力做,又或者唔想做嘅,就自己考慮下係咪應該繼續落去……問責制變成卸責制,我地呢啲企響中間嘅香港人都唔服啦!」

那另一半責任呢?我問。另一位女士就指:「坦白說,我對年輕人抱有理念,合理地去爭取所想所相信的事,是欣賞的。然而,當爭取過程中使用暴力,甚至是暴亂、破壞、私了等剝奪他人自由的違法行為,則絕不能同意,而且必須受到法律制裁……好地地打爛晒啲嘢,破壞人間舖都唔知為乜,仲打女人,呢啲絕對係暴徒所為。」
 

一位來自教育界的認為,最令他感到憤怒的並不是年輕人,而是一班在幕後推這班年輕人出來破壞,犧牲年輕人前途換取個人政治利益的人:「呢班泛民代表,不斷撥火,推啲年輕人出嚟,自己就企都唔企出嚟,犧牲後生嘅,自己就顧住政治利益,顧住選舉,唔出聲阻止暴亂不特止,仲支持鼓勵佢地出嚟,仲話有時候暴力可以解決好多問題……仲有,當嗰位盛傳係泛民後面的金主叫停,個代表教育界的代表,先肯出聲,真係好失望!」

一個美國回流了的商人搶著說:「那個金主背後就是美國……你估個傻佬真係關心香港咩,利用完傾掂數理鬼得你,響美國放火暴亂唔會好似香港政府咁手軟啦!」「但美國通過香港民主法案,應該係嚟真!」全場最年輕的一位有點疑問!

不同立場,不同觀點的人,以往都是可以共處一室表達意見。這種包容和理性是香港吸引人之處。今天的狀況,確是值得反思!

請接受以下私隱政策及免責聲明,以示你同意am730內之私隱政策及免責聲明。了解更多
接受