老實講，《刺客教條》呢4個字早就唔算係金漆招牌，不過，由於名氣太大，忠實粉絲亦眾多，拍電影做App出商品依然賺錢，話係Ubisoft代表作都仍然冇錯。今集《刺客教條：起源》講真土下座已經等咗好耐，開發小組係同第4集(即係海盜嗰集)同一班底，由開發至推出足足花了4年時間，重點係劇情回歸原點講番兄弟會來源，同時亦改變咗《刺客教條》多年嚟嘅戰鬥系統。土下座開game後冇停咁玩咗6個鐘，感覺隻game同以前真係大有分別，話就話刺客，但玩落可以當「埃及戰士復仇記」，任務多、地圖大(去埋羅馬)同劇情豐富，加上畫質大有改善，同上集可謂差天共地，最重要係暫時都冇乜bug，絕對值得一玩呀！