萬聖節又到，信和集團今年聯同合作夥伴及商戶投放總值800萬元搞連串萬聖節活動，重頭戲「TST East Halloween Beats」落戶尖東麼地道花園，10月17、24及31日連續三個星期六開Party。活動由日間親子嘉年華、鬼馬市集，一路玩到夜晚Cosplay DJ派對，更請來本地及國際人氣DJ坐鎮。最特別係今次唔困喺商場入面，索性將Party搬到戶外，仲以昔日尖東大型霓虹招牌為靈感設計打卡位，玩Halloween之餘，亦多咗幾分香港味。
信和集團首席商務總裁蔡碧林
搞盛事，最理想當然係人氣變生意。「Cheers Fiesta」亦會回歸，免費請全場暢飲，區內商戶同步推出優惠及限定餐單，希望將Party人流帶到尖東嘅餐飲、零售及酒店。由一場Halloween Party串連食、買、玩、住，今次明顯唔止搞氣氛咁簡單，更想將節日人流變成地區消費。尖東本身有維港景、有美食，再加戶外電音派對，今個Halloween，尖東應該幾有睇頭。
訂閱 《am730》 電子報
每周精選內容直送收件箱📧
掌握重要新聞資訊📈 財經投資🤖AI科技生活 🍽 美食玩樂 🛍 消費優惠 📰 城中熱話
提交代表本人同意接收am730所發出的推廣電郵，你可查閱本網站的私隱政策。