新春過後，近日廣告市場靜得驚人，當然有其季節性因素，但零售市道的確麻麻，幾份免費報紙嘅厚度都反映咗市場現實。市道好似天色咁灰，但Ray反而想再講番早個星期一份調查，其實頗具前瞻性，佢話2017預計雖係不穩定嘅一年，但前景唔可以睇得太差。
由香港廣告客戶協會(HK2A)同尼爾森聯手的「2017廣告預算調查」(AdSpend)，接近一半(48％)的廣告客戶預計整經濟狀況將維持穩定，與去年相若；另有6％表示經濟狀況將較去年為佳，這與去年有82％的廣告客戶認為整體市場會持續轉差的情況形成鮮明對比。預計開支方面，48％表示廣告開支將維持不變，另26％表示預算開支將會增加，情況似乎不太差。
至於用傳統定數碼媒體，受訪廣告客戶反映，於2016年，傳統廣告開支佔他們總廣告開支約58％，而網上及手機廣告開支則分別佔21％。而預計2017年，網上廣告開支預算(51％)將首次超出傳統廣告開支(49％)。
HK2A主席何偉榮(Raymond，圖右)預計，經過過去兩年不斷摸索，廣告客戶會更有信心投放資源於網上平台，正如香港尼爾森媒體高級總監劉悅媺(Cherry，圖左)話齋，媒體環境一日千里，網上廣告平台將逐步取替傳統媒體成為廣告客戶主要的銷售推廣渠道。計我阿Ray話，香港是商業社會，始終需要廣告推廣業務同產品，傳統定數碼媒體都不拘，總之捉到老鼠就是好貓。
