要培養小朋友對音樂的興趣，一味迫佢哋練琴練樂器都唔係辦法，反而帶佢哋多啲去音樂會，可以提高音樂素養，但唔係個個音樂會准許小朋友入場。香港音樂學院於5月1日下午三時在文化中心音樂廳舉辦「90分鐘環遊世界II」音樂會，既有小朋友參與演出，而3歲以上的大小朋友都可入場欣賞，而且所有持票入場的兒童均會獲贈禮物一份。
鑑於早前第一個90分鐘環遊世音樂會反應唔錯，今次再接再厲，更邀請到屯門兒童合唱團合作，加入中國及埃及等元素，甚至衝出地球去觀看Star Wars，感受唔同類型的音樂。
主辦單位特別為am730讀者預備20張免費音樂會門票，大家只要到香港音樂學院(Hong Kong Music Academy) facebook專頁讚好及分享，參與問答遊戲，就有機會獲得音樂會門票2張，名額10個。遊戲截止日期為4月4日。